Жаңалықтар
12–14 қараша аралығында Қазан қаласында «Элита стоматологии» атты ауқымды олимпиада өтті.
Іріктеу өте қатаң болды: сырттай кезеңге қатысқан 1368 қатысушының ішінен ТМД-ның 5 елі мен Ресейден келген 300-ден астам ең үздік студент ақтық сынға жолдама алды.
Олимпиаданың финалдық кезеңі екі бөлімнен тұрды:
- Теориялық бөлім: екі күрделі клиникалық кейсті талдау және шешу.
- Практикалық бөлім: 26 және 36 екі шайнау тісін кейінгі окклюзиялық түзетусіз, тістесуді мінсіз қалпына келтіре отырып көркем реставрациялау.
Ең жоғары бәсекелестік «Терапиялық стоматология» бағытында өрбіді – мұнда біріншілік үшін 200-ден астам қатысушы бақ сынасты. Барлық байқау сынақтарының қорытындысы бойынша стоматология мектебінің білім алушысы Смагулов Азамат үздік нәтиже көрсетіп, I жүлделі орынды иеленді!
Бұл жеңіс – табанды еңбектің, терең білімнің және @officialkmu қабырғасындағы жоғары деңгейдегі дайындықтың нәтижесі. Студенттерімізді мақтан тұтамыз және тәлімгерлік еткен оқытушыларымызға алғыс білдіреміз!