Кафедраның ғылыми бағыттары ересектер мен балалардағы әлеуметтік маңызды жұқпалы аурулардың патогенезінің, клиникасының, емі мен алдын алу ерекшеліктерін зерттеумен байланысты.

Кафедра ғылыми зерттеулерге белсене қатысады, оның нәтижелері Ресей ғылымының дәйексөз индексі, Scopus, Thomson-Reuter және т.б. индекстелген деректер базасына енгізілген журналдарда жарияланады. Алдын ала патенттер мен инновациялық патенттер, зияткерлік меншік объектілерін тіркеу туралы куәліктер алынды. Кафедра қызметкерлері ғылыми-тәжірибелік конференциялар мен мастер-кластарды ұйымдастыруға және өткізуге қатысады, халықаралық конференцияларда ғылыми баяндамалар жасайды.

Кафедрада студенттік ғылыми үйірме жұмыс жасайды. Студенттер өздерінің ғылыми зерттеулерінің нәтижелерін республикалық және халықаралық студенттік конференцияларда баяндайды, ғылыми журналдарда жариялайды.

Кафедраның оқытушылар құрамының бакалаврларды, интерндерді, резиденттер мен дәрігерлерді даярлауда тәжірибесі мол, дәрігер-клиницист ретінде білімі мен дағдыларымен молынан бөліседі. Білім беру бакалавриат пен интернатурада «Жалпы медицина», «Стоматология», «Медико-профилактикалық іс», «Педиатрия», «Отбасы медицинасы», «Ересектер, балалар жұқпалы аурулары», « Фтизиатрия» мамандықтары бойынша жүргізіледі.

Кафедрада білім беру мемлекеттік тілде, орыс және ағылшын тілдерінде жүргізіледі.

Кафедраның оқытушылары КММ «Облыстық клиникалық аурухана, «Жұқпалы аурулар орталығы», КММ «Облыстық балалар клиникалық ауруханасы», КММ «Облыстық фтизиопульмонология орталығы», КММ ОКА «Тері-венерологиялық орталық», КЕАҚ “ҚМУ” кәсіби денсаулық клиникасының базаларында емдік-кеңес беру жұмыстарын атқарады, науқастарды қарайды, еліміздің барлық медициналық мекемелеріне көмек көрсету үшін санитарлық авиация арқылы жол жүреді.